-- ADVERTISEMENT --
Confined sa Provincial Hospital ro sangka ginang matapos nga masunggaban it nagaharurot nga utility van sa kahabaon it national higway nga sakop it Laguinbanua West,Numancia.
Base sa inisyal nga imbestigasyon it Numancia Municipal Police Station, gulping nagtabok ro biktima nga ginkilaea kay Jackelyn Esguera rason nga hinapit gid imaw it nasambit nga van.
Aminado ro sangka 42-anyos nga driver it van ag residente it Altavas nga madasig ro anang pagmaneho.
Samtang, insigida man nga gindaea sa ospital ro biktima matapos nga makaangkon it pilang ka mga lastro sa nagkaeain-eain nga parte it anang kaeawasan partikular sa anang ueo ag may tuo nga porsyon it anang siki.
Nagapadayon man ro imbestigasyon it Numancia-PNP angot sa nasambit nga aksidente.
-- ADVERTISEMENT --
