Ginlunsar it Land Transportation Office ukon LTO ro andang online renewal para sa pagparehistro it pribadong saeakyan.
Ro mga tag-iya it pribadong saeakyan hay puweding mag-renew it andag registration sa Land Transportation Management System ukon LTMS Portal.
Ro inisyatibo ngara hay sa pagtinguha man it opisina nga i-digitize ro mga operasyon kara.
Nagapati ro Land Transportation Office (LTO) nga ro online registration hay magaseperar sa mga transaksyon sa mga district offices ag mapunggan ro paggamit it mga fixer.
Ro pag-renew hay nagakinahangean it certificate of cover ukon COC maghalin sa napiling insurance company ag para sa saeakyan nga paga-inspeksiyonon it anumang private motor vehicle inspection center (PMVIC).
Ro renewal rates hay magapabiling pareho ukon P240 para sa mga motorsiklo, P300 para sa mga motorsiklo nga may sidecars, P1,600 hasta P8,000 para sa mga kotse depende sa kabilugang kilo ag klase it kotse.
Mag-eowas kara, may addittional service ukon utility fee ro mga bank partners depende sa napilian nga pamaagi it pagbayad.// Ro online renewal hay para eamang sa mga saeakyang nakarehistro sa portal.
Kung siin ro pribadong saeakyan hay dapat anay nga mairehistro sa idaeom it Land Transportation Management System centralized database.
