Natigayon ro demolition kahapon it kapin sa tatlong istraktura nga ginakaeakipan it residential houses sa Brgy. Pook, Kalibo.
Suno kay P/Lt. George Flores, deputy chief of police it Kalibo municipal police station nga raya hay sandig man sa writ of execution nga ginpaguwa it korte.
Ginpaathag nga makapilang beses eon nga ginpadaeahan it notice ro tenant nga naga-istar sa nasambit nga lugar nga igademolish ro andang panimaeay kasunod sa pagdaog sa kaso it tag-iya it propyedad nga nagbuhay it tatlong dag-on ro pagdaeagan it kaso.
Uwa man suno kana it resistance nga natabo kon sa siin naagi sa matawhay nga istorya ro tanan hasta nga natapos it malinong ro demolition.
Ro nasambit nga residential houses hay human sa half concrete ag light materials.
