Nakataeanang magbutang ro Department of Agrarian Reform (DAR), Department of Public Works and Highways (DPWH), ag mga natungdan nga local government units (LGUs) it mga permanente ag unipormadong marker para sa kada farm-to-market road (FMR) nga igapatindog sa kabaryuhan sa idaeom it proyekto it DAR nga Sustainable and Resilient Agrarian Reform Communities (SuRe ARCs).
Ginpahayag ni DAR Secretary Conrado Estrella III nga ro mga permanenteng marker hay magaserbeng buhi nga pamatuod sa mga promisa it DAR nga serbisyuhan ro mga pumueoyo eabi eon ro mga agrarian reform beneficiaries (ARBs).
Una kara, gindayo ni Estrella ro probinsya it Aklan kon sa siin ginpangunahan nana ro groundbreaking ceremony it farm to market road (FMR) sa Sitio Banloc ag Sito Aniyog, Brgy. Naile sa banwa it Ibajay.
Sa pihak nga parte, kabilugang 183 electronic land titles ukon e-titles ro ginpanupod sa Barangay Naisud kamana man ro pagturn-over sa “Tulay ng Pangulo para sa Kaunlarang Pang-Agraryo,” sa nasambit man nga lugar.
Mag-eowas kara, nagpatigayon man ro natungdan nga ahensya it pag turnover it Farm Machineries ag Equipment para sa probinsya it Aklan.
