Nagapabilin sa gihapon nga mabhaoe ro numero it mga subscribers nga hasta makaron hay owa pa nakakapag parehistro it andang Subscriber Identity Module ukon SIM card.
Suno sa National Telecommunications Commission, umabot eon sa 33,313,893 ro kabilugang numero it mga subscribers nga nakapag parehistro it andang SIM card umpisa kat ginpatuman ro SIM card registration ko nagtaliwan nga Disyembre it 2022.
Ro nasambit nga numero hay 19.71 percent eamang it kabilugang 168,977,773 nga subscribers.
Aminado man ro National Telecommunications Commission nga nagnaba ro numero it mga nagapadaea it reklamo sa andang taeatapan matapos ipatuman ro nasambit nga laye.
Suno kay NTC Commissioner Ella Lopez, ap-at nga buean antes ro effectivity it SIM card Registration Law hay nakabaton sanda it masobra 1,500 nga reklamo kada adlaw ag umpisa man kat ipatuman ro nasambit nga laye hasta makaron hay nakakabaton eamang sanda it masobra 8,000 nga numero it mga nagareklamo.
Samtang, ro Deadline man it SIM card registration hay sa nagahilapit nga Abril 26, 2023.
Apang, sa nagahilapit nga deadline hay gin-insister it Department of Information and Communication Technology nga owa pa sigon sanda it plano nga pahabaon ro SIM card registration.
Sa pagtatapos it deadline hay igadeactivate ro tanan nga luma ag bag-ong SIM card ag magagamit eamang raya uman kung igaparehistro it tag-iya.
