Nag-apela it bulig sa Bombo Radyo Kalibo si Joan Tiongson Diestro matapos nga naduea ro anang manghod nga si Ricardo Tiongson Jr., 29-anyos ag residente it Brgy. Alibagon, Makato.
Suno sa anang pagkasayod sa anang pamilya hay broken hearted ro biktima ag mapaliwa-liwa sigon anay raya ag mapaeayo imaw sa Aklan.
Raya hay base man sa anang mensahe nga ginpadaea sa anang igmanghod.
Si Ricardo hay kamanghuran sa limang magmanghod kon sa siin makabig sigon raya nga person with disabilities bangud nga inde makahambae ag inde man makabati.
Ko adlaw it dominggo imaw ulihi nga nakit-an kon sa siin ro anang tanan nga gamit hay gin-aywanan nana sa anang barkada.
Eubus nga nagakabaeaka makaron ro anang bilog nga pamilya.
Samtang, may nagpaabot sigon kanda it impormasyon nga nakit-an raya sa isla it Boracay ag kon sa siin insigida man nanda nga gin-adtunan agud nga usuyon.
