Magabalik eon ro Philippine Inter-Agency Humanitarian Contingent (PIAHC) hindunang gabi-e, Pebrero 28, haeos tatlong dominggo umpisa nga gin-umpisahan ro search and rescue operation pagkatapos it sangka magnitude 7.8 nga linog ko Pebrero 6 sa Turkeyi.
Nagaguwa sa advisory nga ginpaguwa it Department of National Defense ukon DND nga magaabot ro 82-member nga Philippine Inter-Agency Humanitarian Contingent sa Ninoy Aquino International Airport (NAIA) Terminal 3 bandang alas-10 it gabi-e.
Umpisa nga nag-operate ro contingent, gintinguhaan it Urban Search and Rescue (USAR) it Philippine Inter-Agency Humanitarian Contingent ro 36 nga naghugos nga edipisyo ag naboue ro an-um nga bangkay nga biktima it mabaskog nga linog.
Suno sa Office of Civil Defense (OCD) nga naghimu it exit call ro team kaibahan ro ambassador ag coordinator para sa international relief pagkatapos it andang operasyon.
Ro mga miyembro sigon it nasambit nga Contingent hay gintaw-an it sueat nga puno it pagpasaeamat bilang pagkilaea sa andang pagtinguha sa pagbulig sa nasyong naka-eksperyensya it magnitude 7.8 nga linog.
