Ginaeauman ro uman nga pagbuhos it mga turistang Chinese sa Isla ng Boracay sa buean it Marso.
Suno kay Felix delos Santos it Malay Municipal Tourism Office nga raya hay kasunod it pakikipagpueong it mga representante it Chinese Embassy sa lokal nga gobyerno it Malay angot sa uman nga pag angkon it direct flight halin sa China paagto sa Kalibo International Airport.
Apang sa pihak kara, nagapangaywa gihapon ro Chinese sa mga top visitors sa Boracay nga ginapangunahan makaron it mga Koreans.
Ginpamilit ni delos santos nga hasta nga owa pa eubusan nga nakabalik ro direct flights halin sa China hay makabig nga indi pa eubusan nga makabangon ro industriya it turismo sa isla.
Samtang, umpisa pebrero 1 hasta 25, nakalista it 143,408 nga bisita sa Boracay, kun sa siin kaabuan kara hay mga domestic tourists nga naga-abot sa 106,768 samtang ro foreign tourists hay 32,209.
Kaeakip eon sa tourist arrivals ro mga participants it ginpatigayon nga ASEAN Digital Minister’s meeting ag mga sakay it cruise ship.
Sa pihak nga parte, todo eon ro pagpahaum it LGU-Malay ag mga otoridad sa pagbuhos it mga bisita umpisa sa buean it Marso, Abril ag Mayo nga makabig nga super peak season sa Boracay kun sa siin maabu sigon nga mga nakalinyada nga mga aktibidades eabi eon ro LaBoracay.
Sigidas man sigon ro training sa mga tourism frontliners.
