Ginpangunahan ni Pangueong Ferdinand Marcos Jr. ro sectoral meeting it Department of Agriculture ukon DA kahapon sa Malacañang.
Ginpahayag ni press briefer Daphne Oseña Paez nga nagpangunang gintalakay sa pueong ro rice supply demand outlook it nasyon makaron nga 2023.
Suno kay Paez, ginpresinta man it DA kay pangueong Marcos Jr ro mga ginahimu nga tikang it gobyerno para masiguro ro bastanteng suplay it mais, baboy, manok, isda, asukar ag bugas.
Ginrekomenda man sigon it DA ro padayon nga pagpatuman it integrated national swine production initiatives para makabawi ag mapaeapad ro industriya it baboy ag madasig nga makabangon ro sektor it magbababoy maghalin sa pagkalugi tuga it African swine fever.
Samtang, ginpahayag dugang pa ni Paez nga gintalakay man sa pueong ro pagpatuman sa produksyon it mga produktong pang agrikultura sa pamaagi it nagkaeain-eain nga inisyatibo kung siin gintaw-an it importansya ro mabahoe nga papel it National Irrigation Administration ukon NIA.
