Gin-aprubahan it Department of Budget ukon DBM ro management nga special allotment release order ukon SARO para sa pagbayad it right of way sa mga propyidad nga maapektuhan it expressway connector road project.
Ginpahayag ni budget secretary Amenah Pangandaman nga nagabalor raya it kapin sa P495,129,744.
Suno sa DBM, ro pondo hay pagabue-on sa fiscal year 2023 it DPWH budget.
Suno kay Pangandaman, ro pondo ngara hay ginaeuman nga mas makapabaskog sa infrastructure development program it administrasyong Marcos Jr particular ro build better more ukon BBM program.
Gin-insister man ni Pangandaman nga ro right of way ro pinaka-importanteng parte it pagpatuman ag pag-umwad it mga proyekto it gobyerno rason nga kinahangean rayang taw-an it igtueupangod.
Ro expressway connector road project hay 8 kilometrong elevated 4-lane toll expressway nga nagatuyong pabaskugon ro pag-umwad sa pungsod it Maynila, Caloocan, Malabon ag Navotas ag iba pang lugar nga nakapalibot sa mga raya.
Samtang, ginaeauman nga makabulig ro nasambit nga proyekto sa pagpaeuga it trapiko sa metro manila.
