Ginklaro it PIAN ANWANG, grupo it mga dating seminarian nga uwa sanda naga-oponer sa mga programa ag proyekto it gobyerno.
Apang, ro ginaduso nga House Bill 7032 ukon West Aklan Special Economic Zone Authority (WASEZA) hay bukon it angay ag bagay sa naga-eksister makaron nga laye.
Suno kay sangguniang panlalawigan member ag tagapaghambae it PIAN ANWANG nga si Apolinar Cleope, nagapati sanda nga uwa natyempo ro pagkriar it nasambit nga economic zone bangud nga presenteng naga-eksister ro Philippine Economic Zone Authority Act ukon R.A. 7916.
Ginpahayag dugang ni Cleope nga engkasong maaprubahan ag maisalaye ro nasambit nga hagna may kabaehag sigon nga may ginataw-an it awtoridad para makaoperate it gaming and recreation nga hugot nandang ginapamaeabagan.
Nasayuran nga ro WASEZA hay hagna ni Aklan second district congressman Teodorico Haresco kon sa siin sakop kara ro banwa it Tangalan, Ibajay ag Malay nga tuyong mapasanyog ag mapabaskog ro ekonomiya it probinsya pinaagi sa pagpang-engganyo it mga investors nga magtukod it negosyo sa Aklan.
