Ginkalipay it pilang mga graduating students sa probinsiya it aklan ro ginaduso makaron nga proposisyon sa manabang kapueungan it kongreso nga magtau it one time cash grant nga 5,000 pesos sa mga bag-ong graduates.
Tuyo kara nga mabuligan sanda sa kinahangean nga mga gastos sa pag-apply it trabaho.
Suno kay Abellano Flores, sangka criminology intern ag criminology deparment president it sangka eskwelahan sa kalibo nga ro nasambit nga subsidiya hay mabahoe nga bulig engkaso nga maaprubahan ag makahingabot kapareho kanda nga mga maga-graduate makaron nga school year.
Ginpahayag dugang nga insigida nana nga igaproseso ro anang mga dokumento pagkatapos it graduation sa hunyo nga nagakinahangean it mabahoe nga kantidad.
Partikular ro pagbo-oe it board examination.
Tiempo sigon ro bulig pinansiyal eabi pa ag masyadong nagakalisod ro tanan sa mataas nga presyo it mga baeak-eon ag serbisyo
