Mas pang ginpabaskog it Bureau of Fire Protection ro panawagan sa publiko angot sa pagdahan agud nga malikawan ro sunog.
Raya hay kasunod it pagsueod it buean it Marso nga ginakabig nga Fire Prevention Month.
Suno kay Municipal Fire Marshall Sr. Inspector Arden Bedonia nga umpisa kahapon nga adlaw marso 1 kaibahan ro mga bumbero halin sa nagkaeain-eain nga Fire Station sa bilog nga probinsiya hay nagbuylog para sa Simultaneous Nationwide Prevention Month 2023 Activity.
Sa kick-off ceremony it fire prevention month ginparada it ahensya ro pilang fire truck samtang nagatunog ro sirena bilang pagpadumdum sa pumueuyu nga makaron nga buean it Marso, sa mainit nga paniempo hay kinahangean nga mas pabaskugon pa ro pagdahan agud nga malikawan ro sunog.
Ginpaathag pa ni Bedona nga ro fire prevention hay pagpahaum bukon eamang nanda nga mga bumbero kundi maskin it publiko.
Ro isyu it trahedya nga daea it sunog hay concern it tanan, rason nga nagapanawagan sanda sa pumueuyu nga makipagbueuligan sa andang mga programa agud nga malikawan ro trahedya.
