Bukon eon it kinahangean ro facemasks ag vaccination cards sa mga tourism establishments.
Kasunod eon man raya it pagpaguwa it Department of Tourism (DoT) it sangka memorandum para mas pang eugaan ro health ag safety protocols sa mga tourism establishments.
Base sa DoT Memorandum Circular 2023-0002, bukon eon sigon it kinahangean it mga turista ro pagprisinta it proof of full vaccination sa mga tourism enterprises.
Kaibahan eon man kara ro owa pagsuksok it facemasks.
Ro nasambit nga mga bag-ong guidelines it DoT hay kabahin it andang pagpursige para mabuligan ro tourism stakeholders nga maka-recover sa epekto it Coronavirus disease 2019 (COVID-19) pandemic.
Ginpahayag ni Tourism Secretary Christina Frasco nga ro pinaka-ulihing issuance it mas pinaeuga nga health ag safety guidelines para sa mga tourism establishments hay bilang reinforcement sa commitment it Department of Tourism para masabat ro kalisod sa ekonomiya nga tuga it mga lockdown ag mga restrictions bangud sa pandemic.
Samtang, ginapasiguro man nga igapatigayon ro global practices sa tourism operations nga nagbukas eon sa bilog nga kalibutan.
