Agud nga mapabilin nga eowas sa African Swine Fever ukon ASF ro probinsya it Aklan, gin-amyendahan ni Governor Joen Miraflores ro executive order nga nauna eon nga anang ginpaguwa.
Suno kay Dra. Mabel Seniel, provincial veterinarian it Office of the Provincial Veterinarian ukon OPVET nga ro executive order number 021 series of 2023 it gobernador hay gin-amyendahan ro executive order number 016 2023 kon sa siin ginpatuman ro total nga pagbawae sa tanan nga klase it buhi nga baboy, karne ukon mga produkto nga may karne it baboy nga makasueod sa probinsya it Aklan maghalin sa mga ASF-infected territories ag sa tanan nga mga probinsya sa Pilipinas.
Ginpaathag ni Dra. Seniel nga haeos 18 ka mga rehiyon sa nasyon ro apektado it ASF rason nga agud nga maprotektahan ro mga alagang baboy sa Aklan hay ginpakamayad it gobernador nga aprubahan ag pirmahan ro andang rekomendasyon sa totally nga pagbawae nga makasueod sa probinsya ro mga pork products ukon live wheight maghalin sa mga ASF infected regions.
Mag-eowas kara, magapadayon man ro pagpatuman it inspection, disinfection, ag iba pang mga biosecurity measures sa mga borders ukon ports it probinsya it Aklan.
