-- ADVERTISEMENT --
Gindayaw ni FIFA General Secretary Fatma Samoura ro Philippine womens’ Football team bangud sa pagsueod sa unang kahigayunan sa World Cup.
Kaibahan sigon ro Pilipinas ag pitong iba nga ginakaeakipan it Haiti, Morocco, Panama, Portugal, Ireland, Vietnam ag Zambia sa mga nasyon nga unang magasabak sa World Cup.
Igapatigayon ro FIFA Women’s World Cup sa Australia ag New Zealand halin Hulyo 20 hasta Agosto 20.
Dugang pa ni Samoura nga sa nasambitang pagsabak it mga bag-ong koponan hay makaengganyo ro mga raya it pamatan-on nga pagaayuson ro mga sports nga mapilian.
