Kasunod it pag-amyenda ni Governor Joen Miraflores sa executive order nga nauna eon nanang ginpaguwa para mapabilin nga eowas sa African Swine Fever ukon ASF ro probinsya it Aklan hay ro pagmahae man it presyo it mga karneng baboy sa merkado.
Kon sa siin ginpatuman ro total nga pagbawae sa tanan nga klase it buhi nga baboy, karne ukon mga produkto nga may karne it baboy nga makasueod sa probinsya it Aklan maghalin sa mga ASF-infected territories ag sa tanan nga mga probinsya sa Pilipinas.
Suno kay Celine Dela Cruz sangka negosyante sa Kalibo Public Market nga nagtaas sa makaron it kapin sa limang peso ro anang baligya nga longganisa bangud sa pagtaas man it presyo it mga karne nga nagapangunang sangkap sa paghimu it anang produkto.
Ro dating P75 kada dosena it longganisa hay P80 eon makaron nakadepende pa sigon sa klase it longganisa
Raya hay kasunod sigon it ubusan nga suplay it baboy sa merkado tuga man it pagpatuman sa nasambit nga executive order.
Ginpahayag dugang nga ginakabaeak-an nga sa masunod nga mga inadlaw hay makaangkon pa gid it kakueangan sa suplay it karne sa probinsya it Aklan.
Angot kara, apisar nga bastante pa ro suplay it mga buhi nga baboy, hay ro pagpaiway it mga hog raisers nga I-dispose ro andang alaga bangud sa barato nga pagbakae it traders.
Masyado sigon nga mahae ro production cost eabi pa ag mataas makaron ro presyo it feeds ag urok.
Sa pihak nga parte, ro aklan hay nagapabilin nga hilway sa africal swine fever ukon ASF
