Nagapahaom eon ro mga organizer it 95th OSCARS Academy awards bangud eon man sa mga uwa ginaeauman nga hitabo matapos ro natabo nga pagsampae ni Will Smith kay Chris Rock ko nagtaliwan nga dag-on sa mismong event.
Sa kauna-unahang kahigayunan, nagkriar ro Academy of Motion Picture Arts and Sciences it grupo agud sumabat sa anumang mga pwede matabo.
Madumduman nga ro film academy hay ginbatikos bangud ginpabay-an pa sigon nga batunon ni Will Smith ro anang trophy matapos kat natabo nga pagsampae kay Chris Rock sa stage bangud sa sangka hangae patumod sa asawa kara nga si Jada Smith.
Uwa man ginbulgar it organisasyon ro mga detalye angot sa membership it crisis team apang haom eon sigon sanda ag bukas sa mga pwede matabo.
Sa makaron, ginabawaean pa nga magtambong si Will Smith sa nasambitang awarding sa sueod it napueong dag-on
