Bangud sa cropping season ro buean it Marso, uwa eon haeos nagakinahang-ean it supply it tubi ro mga kaeanasan ukon ro ginatawag it National Irrigation Administration ukon NIA nga terminal drainage.
Suno kay Jaime Ibardolaza, senior water resources facilities technician it NIA Aklan nga sa raya nga tyempo hay ginataw-an it kahigayunan nga ma-repair ro mga structures ukon facilities it NIA ag iba pang mga naka-schedule nga construction.
Ginklaro kara nga bastante ro supply it tubi apang bangud sa uwa pa nagakinahang-ean ro mga mangunguma hay ginabuoe man nanda raya nga kahigayunan para maayos ro andang pasilidad para makata-o it mas maayos nga serbisyo sa pagsueod it panibag-ong cropping season.
Samtang sa pihak nga parte, ginpaabot ni Ibardolaza ro andang mabahoe nga problema sa mga kanae bangud nga ginahimo raya nga pieilakan it mga nagkaeain-eain nga basura.
Panawagan nanda sa publiko nga may ordinansa ro banwa kon sa siin nakabaehag ro sin-o man nga madakpan nga nagapilak it basura sa uwa nagakaigong lugar hay may pagaatubadngon nga penalidad.
Kinahang-ean suno kana nga maging responsable ro kada pumueoyo eabi eon ro mga nagaistar maeapit sa kanae ukon irigasyon
