Uman nga nagbalik ro presyo it gold sa haeos $2,000 dollars kada ounce kasunod it pagkabaeaka it global markets ag investors sa bilog nga kalibutan nga makaangkon it krisis sa banking sector matapos nga owa pa eubusan nga naresolba ro isyu angot kara.
Bangud sa manaba nga presyo it gold , raya hay nagbukas it oportunidad sa parehong local ag foreign shoppers sa UAE nga magbakae it mga bueawan.
Ro presyo it gold hay bumagsak ko nagtaliwan nga mga inadlaw matapos nga ro Swiss Lender nga Union Bank of Switzerland (UBS) hay nagpasugot nga bak-eon ro andang karibal nga Credit Suisse sa balor nga $3.23-bilyon dollars bilang kaparte it rescue effort agud nga matapna ro banking crisis ag mapabakod ro global financial markets.
Ro UBS ag Credit Suisse hay nagapanguna sa top 30 nga pinaka-importante ag pinaka-prestihiyosong investment banks sa global financial system, ag parehong nagaangkon it haeos $1.7 trillion dollars nga assets.
