Pormal eon nga nagpaguwa ro Commission on Elections (Comelec) it pinal nga calendar of activities kasunod it igapatigayon nga 2023 Barangay and Sangguniang Kabataan election sa buean it Oktubre.
Raya hay matapos it pilang beses nga pag-amyenda sa mga naunang ginpaguwa nga petsa it mga igapatigayon nga aktibidad.
Suno kay Crispin Raymund Gerardo, tagapaghambae it Commission on Elections ukon Comelec-Aklan , maga-umpisa ro election period sa Agosto 28 kamana man ro pagdihon it Certificate of Candidacy (COC) it mga maga-kandidato sa nasambit nga eleksyon hasta Setyembre 2.
Ginklaru pa kara nga hugot nga ginabaeawan ro pagpangampanya umpisa sa election period antes sa mismong adlaw it campaign period.
Nakataeanang maga-umpisa ro nasambit nga campaign period sa Oktubre 19 hasta it 28.
Angot kara, Oktubre 29 hasta 30 hay ro pag-umpisa man it liqour ban sa bilog nga nasyon.
Padumdum man kara sa publiko angot sa mismong adlaw it eleksyon, Oktubre 30 nga maga-umpisa ro voting hours it alas-7 it agahon ag magatapos it alas-3 it hapon.
