KALIBO Aklan–Ginapasiguro it Aklan Provincial Police Office ukon APPO nga nagapabilin ro peace and order sa bilog nga probinsya it Aklan.
Raya hay sa pihak it pagkaeakot it pangaean ni Provincial Director PCol. Crisaleo Tolentino sa mga dapat imbestigahan sa mga dati eon nga nag-eontad nga nagkaeain-eaing krimen sa Negros Oriental.
Sandig sa ginpaguwa nga opisyal nga pahayag it Aklan Police Provincial Information Office, bukas si PCol. Tolentino angot sa imbestigasyon nga igapatigayon it Senate Blue Ribbon Committtee.
Suportado sigon kara ag ginarespeto ro igapatiyaon nga tikang it komitiba.
Angot kara, madumduman nga nagpanawagan si Pamploma Mayor Janice Degamo nga i-eakot sa mga paga-imbestigahan it nasambit nga komitiba ro Aklan Police Provincial Office (APPO) acting provincial director nga si P/Col. Crisaleo Tolentino.
Samtang, ginatinguhaan man it Bombo Radyo Kalibo nga bue-on ro pagpahayag ni PCol. Crisaleo Tolentino angot sa nasambit nga mga alegasyon it maybaeay ni dating Negros Oriental Governor Roel Degamo.
