Kasunod it pag-aeabutan it mga imported nga asukar sa nasyon hay ro amat-amat man nga pagnaba sa presyuhan kara sa merkado publiko.
Nagapati man ro mga negosyante it asukar nga bastante eon ro suplay it asukar sa nasyon.
Raya ro ginpahayag ni Betty Robelo sangka negosyante sa Kalibo Public Market.
Base sa price monitoring nga ginpatigayon it Bombo Radyo Kalibo, ro pinaka-ulihi nga presyuhan it asukar hay ro dating P96 pesos sa kada kilo it puting asukar hay nagaabot eon lang makaron sa kapin P93-P94 pesos , washed sugar P79-P80 pesos kamana man sa brown sugar nga P77-P78 pesos eon lang ro dating P80 pesos kada kilo.
Sa pihak kara, may pagtaas man sa presyo it kaeamay bangud sa kakueangan it suplay kara sa nasyon kasunod it naga hilapit nga Semana Santa.
Sa makaron, nagaeaum ro mga negosyante nga daeayon eon nga makaangkon ro asukar it stable nga presyuhan sa merkado publiko kasunod man it sigidas nga ginapatigayon it gobyerno nga sugar importation.
