Ginsaysay it albularyo nga ko nagtaliwan pa nga mga binuean gina-possess it mga maeain nga elemento ro daywang ka teen-ager sa brgy. Andagao, Kalibo.
Suno kay Nancy San Nicolas nga natigayon eon nanda nga mabueong ag matabog sa eawas it mga pamatan-on ro tikbalang ag reyna ukon diwata sa puno, apang bangud nga owa nagapati ro tiyo ag tiya it mga sinapian rason nga nagabalik-balik ro mga raya sa pagtub-eag sa andang kalinong.
Hasta nga ko ulihi hay nadaeahig ro andang ina nga gina alegar nga gin-possess it sangka duwende.
Ginpahayag dugang nga matapos maka-one-on-one it albularyo ro tikbalang, gin-insister kara nga itau eon ro andang demand nga kaeabanan hay mga haead nga pagkaon agud nga maduea ro andang gutom.
Kaibahan sigon sa ginapangayo nga haead hay ro 6 nga manok, daywang puea, daywang puti ag daywang itom kamana man sang kilo nga baboy; 3 tabako; pitong dolse nga mga matam-is; sang putos nga kandila; sangka bote it gin; 70 pesos nga balor it tig-25 sentimos nga coins; tig-tatlo nga mangga, saging, orange ag ¼ kilo it ubas ag pitong alimango.
