Ginapadahan it Department of Health (DOH) ro mga deboto kontra sa pagpakasakit ukon pagbunae sa kaugalingon ag pagpaeansang sa krus bilang kaparte it andang penitensya makaron nga Semana Santa.
Ginpahayag ni Health OIC Maria Rosario Vergeire nga ro nagapangunang nabobo-oe it mga tawo sa nasambit nga aktibidad hay tetanu ukon impeksyon bangud sa bacteria nga ginatawag nga Clostridium tetani.
Gindugang pa ni Vergeire nga ro mga tawo nga may mga nina hay pwede man nga makabo-oe it impeksyon nga magatuga it mas mabahoe nga kahalitan sa eawas.
Ro mga gaoy, sakit it eawas ag pagkabali ro posible man nga mabo-oe kon ginaeansang ro mga toe-an sa alima ag siki.
Ginlaygayan ni Vergeire ro mga deboto nga obrahon ro ibang pagsakripisyo makaron nga Holy Week mag-eowas sa nasambit nga traditional religious practices.
Ginapadahan man ni Vergeire ro pagharu sa imahe, maskin nga owa it pag instrikto angot kara.
