Hugot nga nakamonitor ag nakabantay ro Philippine Coast Guard sa Caticlan Jetty Port agud nga masikyar ro keowasan it kada biyahero.
Suno kay Senior Chief Petty Officer Dominador Salvino it PCG Aklan, agud nga maging systematic ro tanan hay may numbering nga ginata-o kadungan sa pagfill-up sa manifesto bago makasakay sa motorboat.
Raya nga tikang hay para masigurado nga inde magpaeanobra ro pagsakay it mga pasahero patabok ag pabalik sa isla it Boracay.
Nakakalhit sigon sa nasambit nga pantalan ro andang mga personnel kabulig ro iba pang law enforcement agency para masiguro ro kalinungan ag kaayusan sa kabilugan nga pagdumdom it Semana Santa.
Ginpahayag dugang ni Salvino nga maging sa Ro-Ro vessel hay maid-id nanda raya nga ginasikyar bago pa man makaeayag paadto it Batangas, Mindoro ag Romblon.
Sa makaron suno kana hay medyo nakit-an ro mabahoe nga numero it mga pasahero kon ikumpara sa ibang adlaw.
