Eubus ro pagkakibot it sangka ina halin sa Massachusetts matapos nga matukiban nga haeos $4,000 dollars ro balor it gin-order it anang limang dag-on nga ungang babaye nga motorsiklo ag cowgirl boots sa Amazon kat ginpasugtan nana raya nga maghampang sa anang telepono samtang sa saeakyan.
Suno kay Jessica Nunes it Wesport nga naisip nana nga pahampangon it anang telepono ro unga nga si Lila samtang nga nagabiyahe pauli apang ko ulihi hay nadiskubre nana nga nagbinakae raya sa amazon.
Natukiban ni Nunes nga nagkagastos si Lila it $3,922 dollars nga mga item kaibahan ro limang pang unga nga kulay pink nga mga dirtbike, limang pang-unga nga kulay blue nga mga dirtbike, 10 pares it pangbabaye nga cowgirl boots nga size 7, ag sangka pang unga nga dyip nga ginapagana it baterya.
Gindugang pa ni Nunes nga na-cancel nana ro mga order kapareho it mga boots ag katunga it mga dirt bikes, apang ro nabilin nga mga pang unga nga motoskilo ag ro Jeep hay naka-abot eon sa anang baeay.
Pahayag pa it ina nga owa nana nasayuran kon paalin nga nausoy ni Lila ro mga gamit ag nag-shopping spree sa Amazon.
Sa makaron hay ginaproseso eon nana ro pagbalik it mga items.
Suno kana nga ro natabu hay magaserbing leksyon para kana .
