Ginpahayag ni Mr. Crisostomo Aquino, tag-iya it sangka resort sa isla it Boracay nga illegal ro operasyon it kaean-an nga nakatungtong sa compound it anang dating ginapanag-iyahan nga eogta.
Raya hay kasunod it reklamo it mga lokal nga turista kon sa siin nataeopangdan ro medyo overpricing nga presyo it mga pagkaon kaparehas it humay, tinuean-on ag tubi.
Haeos triple sigon ro presyo kara kaysa sa orihinal rason nga nakibot sanda sa andang binayaran.
Ginpahayag dugang ni Crisostomo nga kinahang-ean nga mausisaan ro nasambit nga kaean-an nga ginasugid nga ginapanag-iyahan it sangka kapitan it barangay.
Ginakwestyon man nana kon siin ginapilak ro andang mga higko ag hinugasan bangud nga uwa it septic bolt nga gin-install.
Nagasolohanon sigon ro nasambit nga kaean-an ag stop over area raya it mga turista para sa over looking view it Boracay.
Madumduman nga ro resort ni Crisostomo nga gingastusan it kapin sa P250 milyon pesos hay ginpasarado ag ginpaguba sa kasagsagan it Boracay closure.
