Sangka two-year-old nga chihuahua sa U.S. ro ginakabig nga “World’s Shortest Dog” it Guinness World Record!
Ro ayam nga si Pearl hay may sukat nga 9.14 cm in height ag 12.7 cm in length nga haeos kasinghaba it $1 dollar bill.
Ro record breaking height ni Pearl hay opisyal nga ginsukat it beterinaryong si Dr. Giovanni Vergel sa Crystal Creek Animal Hospital sa Orlando, Florida.
Agud nga masukat it tama si Pearl, gumamit si Dr. Vergel it dog measuring wicket agud nga mabo-oe ro anang height.
Suno sa patakaran it Guinness, kinahangean nga sukaton it tatlong beses ro ayam nga may matag-od nga oras nga distansiya agud nga mabo-oe ro accurate height kara.
Ro opisyal nga kumpirmasyon nga si Pearl ro presenteng record holder hay ginpatigayon sa sangka TV show sa Italy nga may titulong Lo Show Dei Record.
Mag-eowas sa pagiging maisot, ro sangka kakaibang kina-iya ni Pearl hay mahipos ag kalmado raya kumpara sa ibang chihuahua nga agresibo ag pirmeng akig.
