Ginpatuman it Office of the Provincial Veterinarian ag lokal nga gobyerno it Balate ro no movement; no shipment and no trading coming in and coming out it mga live weight nga baboy sa Brgy. Archangel Sur sa nasambit nga banwa.
Suno kay Provincial Veterinarian Dr. Mabel Seniel nga raya ro andang unang tikang nga ginhimo samtang ginahueat ro resulta it blood sample it mga baboy nga nagmasakit sa nasambit nga lugar.
Angot kara, nagpanugyan si Dr. Siñel sa publiko ag maging sa mga hog raisers nga inde magpanic bangud nga uwa pa it resulta maghalin sa laboratoryo sa syudad it Iloilo.
Dugang pa nana nga bukon eon it bag-o kanda ro makarundaya nga sitwasyon bangud nga may ibang banwa sanda nga ginboe-an man it sample ag ro resulta hay negatibo sa ginakabaeak-an nga African Swine Fever.
Engkaso gidman sigon nga nasudlan eon kita it ASF hay may instruction eon ro alkalde it banwa nga mag-usoy it lugar para eobngan it nasambit nga mga baboy.
Suno pa kay Dr. Siñel nga importante gid nga makaangkon it quarantine border checkpoint ro kada banwa agud nga maprotektahan ro andang mga hog raisers bangud nga uwa pa ma-contain ro ASF sa probinsya it Iloilo, may kaso man ro Capiz ag Guimaras samtang nagapabilin pang ASF free ro probinsya it Antique ag Aklan.
