Ginaduso ni Pangueong Ferdinand Marcos Jr. ro long-term rehabilitation sa Oriental Mindoro partikular ro pagtugyan it bag-ong pangabuhian sa mga apektadong residente.
Gin-aku it Pangueo nga posibleng mabuhayan pa ro oil spill recovery, rason nga dapat mataw-an it pangitan-an ro mga residente.
Ginpasiguro man it Pangueo sa mga concerned government agencies nga ro igatao nga livelihood program sa mga residente hay bukon eamang para sa mga naapektuhan it oil spill, kundi magapadayon pa raya para makaangkon pa it ibang option nga pwedeng pangitan-an nga kun siin makabulig man sa andang adlawang mga kita.
Ginpahayag ni Pangueong Marcos, ro livelihood program hay pagapangunahan it Department of Trade and Industry (DTI) ag Department of Social Welfare and Development (DSWD).
Samtang ro Department of Labor and Employment (DOLE), sa pamaagi it Technical Education and Skills Development Authority (TESDA) hay may una eon nga mga nakalinyang recovery initiative projects para sa probinsiya.
Ginsiguro man it Pangueo nga pagabuligan it gobyerno ro problema sa portable water ag livelihood sa mga tawo.
