Nagaabot sa P43 bilyong pondo ro gintaeana it gobyerno para sa agricultural priority programs sa idaeom it 2023 General Appropriations Act (GAA).
Raya ro ginpahayag it Department of Budget and Management, bilang promisa it Marcos Jr., administration nga pabaskugon ro sektor it agrikultura ag eainon ro klase kara agud nga maging sambilog sa mga nagapangunang yabe para sa pag-umwad it ekonomiya ag makakriar it maabong trabaho ag mapabaskog ro food security programs it nasyon.
Ro mga nasambit nga programa it Department of Agriculture (DA) hay ginakaeakipan it National Rice Program, National Corn Program, National Livestock Program, National High-Value Crops Development Program, Promotion and Development of Organic Agriculture Program, ag National Urban and Peri-Urban Agriculture.
Tuyo kara nga masabat ro seguridad sa pagkaon, pagpaugan it kapobrehon ag mapabilin ro pag-umwad sa pamaagi it pagpataas it kita ag produktibidad it ueomhan.
