Ro naaywanan nga nakasaksak nga rice cooker ro ginatan-aw nga rason it pagkasunog it baeay ni Rian Ragaas, sa legal nga edad ag residente it Brgy. Toralba sa banwa it Banga.
Suno kana, agahon pa imaw nga naghikot agud nga makapamahaw antes pa man nga magbanwa kon sa siin imaw nagatrabaho.
Angot kara, may nabilin sa anang tinug-on nga ana kunta nga pagakan-on pag-uli maghalin sa anang trabaho.
Apang, gin-adtunan it anang igmanghod ro anang baeay ag ginkaon ro nabilin nana nga humay rason nga gintug-unan imaw it uman ag posibleng gin-ayawanan ukon nalipatan eon nga gabuton sa saksakan.
Raya sa makaron ro ginatan-aw nga rason it Bureau of Fire Protection ukon BFP Banga nga gintunaan it kaeayo nga nag-ugdaw sa anang panimaeay nga human sa light materials apang nagapadayon sa gihapon ro andang imbestigasyon angot sa nasambit nga insidente.
