Nagpanawagan it bulig ro sangka ina agud nga mabuoe kara ro anang onga sa sangka hospital sa Maynila.
Suno kay nanay Emilia Dela Cruz, makaron eamang nagpakita ro anang onga nga si Ronald ag sa ospital pa nana raya nakit-an.
Dugang pa nana nga uwa it nagabantay kara rason nga nagapangayo imaw it bulig pinansyal para may ipamasahe agud nga mabuoe nana ro anang onga.
Uwa man sigon it masaligan nga bulig si nanay Emilia sa mga igmanghod ni Ronald bangud nga may tagsa-tagsa eon sanda nga pamilya.
May sakit sa tina-i si Ronald kon sa siin ginkinahang-ean nga tubuhan raya.
Una kara, uwa eon sanda it naging balita kay Ronald maghalin sa edad nana nga 20 anyos kat nagtrabaho imaw sa sakada.
Gin-eaom man it pamilya nga “patay” eon raya.
Sa gustong magpa-abot it bulig hay pwedeng magtawag sa numerong 09632956308.
Si Ronald hay pangatlo sa magmanghod ag uwa pa raya it asawa.
