Kumpiyansa ro gobyerno nga mabo-oe sa gihapon ro target nga 100% domestic tourism makaron nga dag-on, maskin pa nga may natabu nga maeapnagon nga oil spill sa Oriental Mindoro.
Ginpahayag ni Tourism Secretary Christina Garcia-Frasco nga base sa mga nabo-oe nana nga mga feedback halin sa mga sektor it turismo hay ginasugid nga nag eampas sa andang target projections eabi eon sa Puerto Galera nga sambilog sa top tourism destination sa probinsiya it Oriental Mindoro.
Hasta makaron ko dag-on 2022 ginpahayag ni Secretary Frasco nga kumita ro Puerto Galera it tunga sa bilyong piso halin sa mga international arrival samtang kapin sa ₱122 milyon pesos ro ginkita sa domestic trips.
Angot kara, owa man nagapundo ro Department of Tourism (DOT) sa pagbulig sa mga naapektuhan it oil spill sa oriental Mindoro eabi eon nga kapin sa 11,000 nga mga tourism worker ro naduea-an it pangabuhian.
Sa makaron, naga abot eon sa ₱900 milyon pesos ro lugi it Oriental Mindoro bangud sa natabu nga maeapnagon nga pagtagas it langis halin sa eumugdang nga MT Princess Empress.
