Nagreklamo ro sangka eaeaki kontra sa Brgy. Captain it Afga, Tangalan bangud owa sigon kara gintaw-an it nagakaigong aksyon ro anang reklamo.
Suno kay Feofilo Sabala, owa sigon imaw gintaw-an it papel para magpablotter bangud sa bukon sigon imaw it residente it nasambit nga barangay.
Gusto pa sigon pasakaan it kaso it nasambit nga kapitana si Sabala.
Ginpahayag kara nga gindaeagan it nakapueang eaeaki ro anang bag nga nakasab-it sa kahoy ko Abril 1.
Ginsundan pa nana raya apang owa eon naabutan.
Ginatantyang edad 18-anyos ro nasambit nga manakaw ag ginkilaea kay alyas “Raprap”.
Nag-adto ko Lunes si Sabala sa taeatapan it Kapitana apang ginbalibaran kara nga ipakita si alyas raprap.
Gina-insister ni Sabala nga gina-apinan it kapitana ro nasambit nga manakaw bangud nagaguwa nga ana rayang apo.
Nagaeaum ni Sabala nga maibalik kana ro naduea nga mga alahas, cellphone ag wallet nga may sueod nga kwarta ag national ID.
Angot kara, ginabuebanta nga kapin sa 80,000 pesos ro naduea nga kagamitan kay Sabala .
