Patay ro sangka motorista matapos nga maaksidente sa anang ginamaneho nga motorsiklo sa national highway nga sakop it Brgy. Libas, Banga.
Ginkilaea ro driver nga si Donald Oquendo, sa legal nga edad ag residente it Brgy. Calizo, Balete.
Suno sa anang ina nga si Dolores Oquendo, nag-uli sa andang panimaeay ro biktima halin sa anang duty sa pagka-gwardya sa sangka pribadong eskwelahan iya sa banwa it Kalibo agud nga magpang-eaba kamana man asikasuhon sigon kara ro anang SSS ag Pag-Ibig.
Ginpahayag dugang nga uwa pa nakatapos it pagpang-eaba ro biktima hay pumanaw eagi raya agud nga makauli man it temprano bangud nga may duty rayon pagkagabie.
Ginasugid nga uwa pa it tueog ro anang onga kon sa siin sa uwa ginaeauman hay naaksidente raya sa nasambit nga lugar.
Nadaea pa sa ospital ro biktima apang binawian it hueam nga kinabuhi samtang ginatatap it doktor bangud sa anang fatal nga lastro nga naangkon sa eawas.
