Nagapanawagan ro mga Child Right Advocate sa Department of Education (DepEd) ag Commission on Higher Education (CHED) nga maghueag kontra sa maka-alarma nga vape epidemic sa pamatan-on.
Sa sangka joint statement it grupong Child Rights Network ag ro Parents Against Vape, ginapanawagan sa mga ahensyang nagadumaea sa edukasyon nga aktibong buytan ro andang obligasyon sa pagpatuman it R.A. 11900 ukon ro Vaporized Nicotine and Non-Nicotine Products Regulation Act ag mag-isyu it dugang nga guidelines mag-eowas sa ginpaguwa nga administrative order it Department of Trade and Industry (DTI) angot sa nasambit nga laye.
Nagapati man si CRN Convenor Romeo Dongeto nga importante ro obligasyon it mga ahensya it edukasyon agud nga suk-ean ro eapnaag nga paggamit it vape it mga pamatan-on.
Suno sa 2019 Global Youth Tobacco Survey, nagagamit it electronic cigarettes ro 14.1% it mga estudyante, 20.9% it mga pamatan-on nga eaeaki, ag 7.5% it mga pamatan-on nga babaye nga may edad nga 13 hasta 15 sa Pilipinas.
Raya hay nagakahueugan nga sambilog sa pitong estudyante ukon sambilog sa kada limang pamatan-on nga eaeaki ag haeos sambilog sa kada 10 nga pamatan-on nga babaye hay nagagamit it electronic cigarettes.
