Ginpasiguro it manaba nga kapueongan it kongreso nga indi makadugang sa mas pang pagtaas it inflation ukon presyo it mga baeak-eon ro umento sa sweldo it mga trabahador.
Ginpaathag ni House Assistant Minority Leader ag Gabriela Partylist Representative Arlene Brosas, indi makadugang sa mas pang pagtaas it inflation ukon presyo it mga baeak-eon ro umento sa sweldo it mga trabahador.
Raya hay bangud nga magatiyog man sa lokal nga ekonomiya engkaso nga makaangkon it wage increase bangud nga paga-gastuson man raya it mga obrero.
Ginpamilit pa ni Brosas, tiempo eon agud nga pataasan ro sweldo it mga trabahador sa pribadong sektor bangud nga nagataas man ro profit it mga mabahoe nga korporasyon mag-eowas sa nagataas man ro productivity.
Nauna kara, nag apela si Brosas kay Pangueong Bongbong Marcos nga sertipikahang urgent ro mga proposed bill nga nagataeana it salary increase.
