Uman nga ginpabilib ni palarong pambansa athlete Charles Cordova it Negros Occidental ro tanan nga mga coaches, trainors ag mga tumaean-aw sa anang naging performance sa shot put games kon sa siin naeampasan kara ro anang kaugalingon nga rekord nga nakaeapog it 14 meter plot.
Suno kay Mr. Jovie Ote, head coach sa athletics it team Aklan nga uman sanda nga napahanga it nasambit nga atleta sa anang ginpakita nga abilidad ag ginaeauman nga uman raya nga makahimo it rekord sa paaeabuton nga palarong pambansa sa Makati City.
Samtang, nakakuhit man it daywang medalya sa athletics ro secondary boys nga ginakaeakipan it silver ag bronze medal.
Ginpahayag nga preparado ro mga atleta it Aklan apang sa uwa ginaeauman nga kahigayunan hay mas pang nagpangibabaw ro mga powerhouse team.
Sa pihak kara, maabo pa sigon ro mga nabilin nga hampang sa athletics nga ginaeauman nga makabuoe it bueawan nga medalya para sa koponan it Aklan.
Nag-apela man imaw it padayon nga suporta ag pangamuyo para sa mga atletang nagasabak sa nagkaeain-eain nga sporting events sa nagapadayon nga Western Visayas Regional Athletic Association ukon WVRAA Meet 2023 kon sa siin ro probinsya it Aklan ro host makaron nga dag-on.
