Sangka comic book fan sa Peru nga may 1,548 pieces it nagkaeain-eain nga Iron Man memorabilia ro nakabaton it Guinness World Record title nga “Largest Collection of Iron Man Memorabilia”.
Nabakae ni Miguel Andres Javier ro pinakauna nana nga Iron Man action figure ko 2007.
May sukat raya nga 16 cm ag secondhand nana raya nga nabakae sa Lima, Peru.
Naengganyo imaw nga magkolekta pa it mabu matapos ipaguwa sa sinehan ko 2008 ro unang Iron Man film kun sa siin si Robert Downey Jr. ro nagbuyot nga bida.
Naging idolo nana ro superhero nga si Iron Man bangud sa kaaeam ag sense of humor kara.
Mag-eowas sa action figures, ro mabahoe nga koleksiyon nana it mga Iron Man hay may una nga nagkaeain-eain nga memorabilia kapareho it DVD, komiks, libro, eambong, ag backpack.
Gina-alagaan nana ro anang mga koleksiyon pinaagi sa pagtago it mga raya sa sangka cardboard box.
Ro previous record holder it world record ngara hay sangka Marvel Cinematic Universe fan halin sa Pilipinas nga may 351 Iron Man collection.
Matapos mabaton ro certification halin sa Guinness, nagaplano eagi si Javier nga mapierde ro anang kaugalingon nga record.
