Napas-eawan si Mary Francine Padios nga makuhit it uman ro bueawan nga medalya sa hampang nga pencak silat sa nagapadayon nga Southeast Asian ukon SEA Games 2023 sa Phnom Penh, Cambodia.
Suno kana, sa napueong ka mga hurado hay puntos eamang ro ginlamang kana it anang kaengkwentro nga atleta it Malaysia.
Masakit man sa anang baeatyagon nga natapos eagi ro anang hampang ag uwa it maiuli nga medalya para sa Pilipinas apang kinahang-ean nga magmove-on.
Ginpahayag dugang nga ginhimo nana ro tanan nga masarangan apang uwa gihapon imaw nagmadinaeag-on kon sa siin ro anang nakaengkwentro hay bag-o sa anang panan-awan.
Sa pihak kara, makauli man it bronze medal sanday Shara Julia Jismundo ag Zandro Fred Jizmundo Jr. samtang napas-eawan man nga makakuhit it medalya sanday Hanna Mae Ibutnande ag Jasper Jay Lachica.
Madumduman nga ro nasambit nga mga Aklanon pencak silat athletes hay antes pa man sumabak sa 32nd SEA Games 2023 hay nagpaidaeom sa isolation training sa Lipa, Batangas sa pagdumaea it Philippine Lighting Speed – Pencak Silat Aklan sa idaeom it Philippine Sports Commission.
