Nagapabilin nga mahipos ro Department of Education ukon DepEd sa suhestyon it Alliance of Concerned Teachers ukon ACT nga ibalik sa dati mga binuean ro klase it mga estudyante.
Suno kay Raymund Basilio, secretary general it ACT nga uwa nakadesinyo para sa mga inonga nga makaangkon it klase sa tyempo it tag-init.
Raya hay matapos nga uwa it nagakaigo nga bentilasyon ro mga eskwelahan, kueang sa electric fan, may mga kwartong punuan ag eubus sa tanan hay bukon gid it komportable sa mga estudyante.
Ginpamilit kara nga kon ro magueang ngane hay nagausoy it komportable nga pwesto bangud sa tuman nga kainit ro mga inonga pa ayhan nga una sa kueob nga eskwelahan.
Bangud kara, padayon nanda nga ginaduso nga ibalik sa dati ro sueod it mga estudyante sa eskwelahan agud nga maging komportable sa andang pagtuon.
Sa pihak kara, nagpanawagan ro mga manugturo nga itao eon ro andang performance bunos nga uwa pa nanda nabaton halin ko dag-on 2021.
Hasta sa makaron suno kana hay padayon pa nanda raya nga ginaapela sa gobyerno pati eon ro tamang pasweldo kanda.
