Ginklaro it Department of Agrarian Reform ukon DAR nga uwa pa it kanselasyon nga natabo sa Certificate of Land Ownership nga nauna eon nga gin-award sa mga indigenous people ukon Aeta sa idaeom it administrasyon ni dating Presidente Rodrigo Duterte matapos nga ginpaidaeom sa rehabilitasyon ro isla it Boracay.
Ro kapin sa 1.98 ektarya it eogta nga nahamtang sa Sitio Angol, Brgy. Manoc-manoc hay napasaalima it mga tumandok ko tyempo ni Duterte.
Apang, ginpahayag ni Ernesto Anino, OIC it Provincial Agrarian Reform Office nga may unang gindihon nga resolusyon nga naga-protekta sa eogta bangud nga ro gin-award nga eogta sa mga Aeta hay bukon it angay nga pang agrikultura.
Ginasugid nga may ginpaguwa nga resolusyon ro DAR nga nagakumpirma sa validity it protesta.
May nakit-an sigon nga balido nga rason partikular sa soil analsys it Department of Agriculture bilang andang supporting documents kon sa siin gintaw-an it 15 diyas ro mga tumandok para magsabat sa nasambit nga protesta.
Sa makaron suno kana hay inde pa mahambae kon kanselado eon ro CLOA bangud nga magapaidaeom pa raya sa maid-id nga proseso.
