Ginpaathag ni Robelyn Recinto, slaughter house master it Kalibo nga uwa totally nga naduea ro supply it tubi sa nasambit nga lugar kundi ginalimitahan eamang sanda sa 120 liters kada baboy nga ginakatay.
Raya hay kasunod it reklamo it mga nagapakatay it baboy nga maskin paglimpyo sa andang tapdown hay inde eon sanda makalimpyo bangud nga uwa it bastanteng tubi.
Suno pa kana nga bukon pa gid nanda it kabisado ro mga tamang procedure nga dapat sundon sa bag-ong slaughter house kon sa siin ginbuksan eon raya ag gingamit.
Sa makaron sigon hay deep wheel anay anda ginagamit samtang ginaproseso ro andang aplikasyon sa Metro Kalibo Water District.
Samtang sa pihak nga parte, suno mat-a kay Mary Gay Joel, head it MEEDO Kalibo nga may required pressure it tubi sa paglimpyo it baboy.
Ginpahayag dugang nga una mat-a ginalimpyuhan ro kasudlan it baboy apang inde pwede nga magkunla.
Ro ginareklamo nga kawad-an it tubi sa paglimpyo it andang mga service sa paghakot it baboy hay uwa naeakip sa andang slaughter fee.
Ginpahayag dugang nga pwede nga magamit ro dating slaughter house agud nga idto sanda maghugas apang kinahang-ean nga magbayad sa ginagamit nga tubi.
