Sa bag-o eang natapos nga Grand Draw it Buena Mano Salvo Year 17 Promo, ro ika-74 nga Bombo Milyonaryo hay naghalin sa maswerte nga entry sender sa Mindanao.
Imaw hay si Ebeneser Melindo, entry sender it Bombo Radyo General Santos City ag ro proof of purchase nga anang gingamit hay ro surf laundry powder.
Si melindo nga naga edad it 61 anyos nga residente it Sta. Cruz Connery Polomolok, South Cotabato ro nagdaog it P1 million ag ikatlo eon sa mga milyonaryo nga naghalin sa Bombo Radyo General Santos City sa mga ginpatigayon nga papromo it Bombo Radyo PH.
Ro pinakamapaearon nga entry ro nabunot halin sa masobra sa 2 million entries nationwide sa Buena Mano Salvo Year 17 Promo makaron nga dag-on.
Sa ginpatigayon nga grand draw it Buena Mano Salvo Year 17 Promo it Bombo Radyo ag Star FM, P2.5 million ro ginpanagtag nga premyo.
Raya hay kaparte it 8.5 million pesos nga kabilugan nga premyo sa Buena Mano Salvo Year 17 Promo.
Ro maswerte nga nagdaog it 50,000 pesos sa regional prize sa Visayas hay ro 73 anyos nga si Julieta Villas it Oyotorong St. Kalibo gamit ro proof of purchase nga surf laundry powder.
Samtang, sa Visayas area para sa special prize nga 100,000 pesos halin sa silver swan ro nagdaog hay entry sender it Star Fm Cebu nga si Maria Tapao, 73 anyos it Asturias, Cebu.
Sa pihak nga parte, iya sa Bombo Radyo kalibo, sa kabilugan nga mga entries nga natipon nga 83, 138 ro mga mapaearon nga mga entry senders nga nagdaog hay si Rosario Perucho it Sitio Bukid, Brgy. Jawili, Tangalan, Aklan nga nagdaog it P15,000 ag may proof of purchase nga surf laundry powder.
Angelica Dela Cruz it brgy Poblacion, Kalibo nga nagdaog it P10,000 nga may POP nga silver swan ag Mirasol braulio it Brgy. Mambog, Banga nga nagdaog it P5,000 gamit ro POP nga bioderm germicidal bath soap.
Maabu nga saeamat sa amon nga mga National ag Regional Sponsors it Buena Mano Salvo Year 17 Promo.
Ro pagbunot it mga winners sa raya nga papromo hay supervised it FDA representative agud nga masiguro nga owa it hokus pokus nga matabu.
