Positive mindset ag pagiging strong woman man ro nagdaea kay Kathleen Daroy-Dionisio agud nga maeampasan ro naging hangkat sa anang kabuhi bilang batang ina.
Raya hay matapos nga nagnabdos imaw sa batang edad ag nagapatapos pa eamang imaw sa pag-eskwela sa kolehiyo.
Angot kara, eubus sigon ro anang pagpasaeamat nga may nasandigan imaw nga pamilya, partner ag mga abyan nga naging support system nana hasta nga nakaeampuwas sa tyempo it kalisod.
Ginhimo nana nga motivation ro anang onga ag naghimakas nga makatapos sa pag-eskwela kon sa siin ginbaliwala ro mga negatibong komento sa anang pagkatawo.
Sa makaron suno kana hay mahambae nana nga mas pang nagbakod imaw bangud nga napamatud-an kara sa kaugalingon ro anang ikasarang nga maeampasan ro tanan nga hangkat sa anang kabuhi.
Si Dionisio hay may sangka ongang eaeaki ag sangka empleyado it lokal nga gobyerno it Tangalan kon sa siin mahambae sigon nana nga sa bulig man it anang asawa hay padayon imaw nga magiging mabaskog nga ina.
