Hugut nga ginpamalibaran it Department of Agriculture (DA) nga bangud sa manipulasyon ro pagtaas makaron it presyo it bugas sa merkado.
Suno kay DA Usec. Leocadio Sebastian, indi malikawan ro paghueag sa presyo it bugas sa mga baealigyaan.
Ginpaathag ni Sebastian, sambilog sa rason it nakikitang pagtaas sa presyo it bugas hay bangud man sa pagtaas it presyo kara sa world market.
Kaibahan ro mataas man nga gastos it input sa lokal nga produksyon rason nga nakikita nana nga may paghueag sa presyo.
Bangud kara, kumbinsido si Sebastian nga owa it manipulasyon sa presyuhan it bugas.
Ginpamilit pa ni Sebastian, mabahoe ro industriya it bugas ag maabu sigon ro nagakumpetensiya rason nga mabudlay nga makaangkon manipulasyon.
Ro nagakatabu suno kana hay naga-balanse ro presyo it imported sa lokal.
Bangud kara, ginpahayag ni Sebastian nga eauman nga magapadayun ro makarondaya nga sitwasyon ag presyuhan sa bugas hasta sa katapusan it dag-on.
Sa makaron sigon, kapin sa 1.3 milyong metriko tonelada eon it imported nga bugas ro gin deliver eon sa nasyon.
