Gintawag nga “fake news” ni suspended Negros Oriental 3rd District Representative Arnolfo Teves Jr. Ro mga balitang maga-uli sigon imaw sa Pilipinas kahapon nga adlaw it Miyerkules.
Raya hay matapos nga gin-anunsyo ni Department of Justice Secretary Jesus Crispin Remulla nga ginaeuaman nga magabalik eon sa nasyon ro nasambti nga mamalidha.
Rason nga hugot nga ginpamalibaran ni Teves ag ginpahayag nga dapat hay ginakutana sigon anay imaw antes sanda nga magpatigayon it anuman nga anunsiyo.
Nauna eon nga ginpahayag ni Remulla nga may una imaw nga “reliable source” nga may access sa mga flight data sa nasyon.
Madumduman nga si Teves hay ro ginaturo nga utok sa likod it pagpatay kay dating Negros Oriental Governor Roel Degamo nga nagresulta man sa pagkamatay it 10 pang mga indibidwal.
