Uman nga ginpatuman ro mandatoryong pagsuksok it facemask sa mga pampublikong lugar sa banwa it Altavas.
Raya hay kasunod sa madasig nga pagtaas it kaso it covid-19 halin ko Abril 15 hasta Mayo 17 it presenteng dag-on.
Ginpaathag ni Argel Ralph Dela Cruz, OIC it Rural Health Office nga raya ro sambilog sa mga pamaagi nga nakit-an it alkalde it banwa agud nga matapna eon ro pagkalhit it virus.
Nataeopangdan suno kana ro madasig nga pagsaka it numero it mga tinamaan it virus kon sa siin sa siyam nga presenteng datos hay ap-at ro ginakabig nga aktibong kaso nga presenteng naka-confine sa mga nagkaeain-eain nga ospital.
Ginpahayag dugang ni Dela Cruz nga ro Executive Order No.005 series of 2023 nga ginpaguwa ni Altavas mayor Denny Refol hay epekto ko Mayo 16 agud nga malikawan ag matapna eon ro transmission it virus eabi eon sa mga vulnerable sector kaparehas it senior citizen ag ro mga may baeatian.
Angot kara, sigidas gid ro andang pag-engganyo ag panawagan sa mga pumueoyo nga pagpa booster shot it covid-19 vaccine agud nga inde eon madugangan ro kaso it covid-19 sa nasambit nga banwa.
